مبدأيا انك تبقى منتصر وترضى ان حد يفرض شروطة عليك تبقى انت كدة فرطت فى حقك ....يعنى لما تبقى مشيت رئيسك اللى هوة اس الفساد .... وبعد ما تمشية تتفأجا انك مش قادر تحاكمة ولا قادر تحاكم باقى العصابة بتاعتة .... ولاا قادر تجيب حق شهدائك اللى ماتوا علشانى ولاا علشانى ... وضحوا بنفسهم علشان يجيبوا حقى و حقك .... يبقى رد الجميل ليهم انك تفرط فى حقهم و حقك انت برضو؟ كلنا فرحنا وهللنا من يوم التنحى المزعوم ونمنا على كدة ... طيب مبصتش لأح...داث بعد كدة .... طيب لية حطيت ثقتك فى المجلس العسكرى ... اللى على راسة طنطاوى... وطبعا متزعلش منى لو وثقت فى طنطاوى رجل مبارك المخلص تبقى بتضحك على نفسك ....خليك دايما حاطط فى دماغك ان فى خطوط حمرا المجلس العسكرى مش هيقدر يقرب منها ... لان كون انة يقرب ...منها ...معناة نهاية افرادة .... خليك دايما فاكر ان مبارك لو اتاذى مش هيبقى لواحدة .... اكيد هياخد طنطاوى معاة وغيرة ..وغيرة... يعنى لو واحد فيهم جة دلوقتى وحب يعمل وطنى ... مبارك هيطلع ورقة ... فمعنى انهم يحموا مبارك انهم بيحموا نفسهم ... انما مبارك كشخص ميلزمش اى حد .... ركز بقى فى الاحداث اللى حصلت من يوم نزول الجيش من يوم موقعة الجمل وضرب المتظاهرين يوم 9 مارس واحداث صول اطفيح ووادى النطرون وفض اعتصام طلبة جامعة القاهرة بالقوة وانت تتاكد من كلامى .... مبدأيا ازاى مبارك يروح يقعد فى شرم الشيخ مع ان مكانة الطبيعى هوة السجن؟؟ تقدر تقولى اية معنى القضية الهبلة بتاعة حبيب العادلى اللى بيتحاكم فيها دى ... مع ان اى ساذج يقولك اول قضية يتحاكم فيها هية دم الشهداء واللى حصل من يوم 25 .... مش دة لو النية سليمة فعلا ؟؟؟ انما انت بتحاكمة فى قضية اراضى .. يالا العجب .... مهة لو انت جيت حاكمتة فى قضية الأمن هيقولك مبارك اللى قالى( جميع طرق الفساد و الدماء تؤدى إلى مبارك) ... ودة طبعا مش هيسمحوا بية ..... طيب محاكمة عز و جرانة والمغربى اية اللى حصل فيها( مع ان دول مش الاولوية بالنسبة لينا طبعاً) .... الله اعلم ....طيب فين صفوت الشريف وزكريا عزمى اللى طلع فى التليفزيون يطلع لسانة للناس كلها ويقول انا لسة فى ديوان رئاسة الجمهورية .... طيب اس الفساد صفوت ... طيب فين سرور المجرم السياسى الكبير .....تقدر تقولى المجلس العسكرى ما ضغطش على الداخليةفى انها تنزل لية من يوم 11 وساب الناس للبلطجية المدة دى كلها؟؟؟ ما انة كانن يقدر ينزلها بأحكامة العرفية اللى بيحاولوا يخوفوا الناس بيها .... يعنى الظابط اللى مينزلش شغلة يترفد مثلاا....تقدر تقولى الفتنة الطائفية اللى ظهرت فجأة دى علشان يلهوا الناس فى مصيبة كبيرة مين السبب فيها ( انسوا كل حاجة يا جماعة وخليكوا ايد واحدة فى الظروف العصيبة اللى بنمر بيها)...؟ تقدر تقولى لية الجيش مدخلش مقرات امن الدولة واتحفظ على كل اللى فيها من يوم 11 .... لية فجاة ساب الناس تدخل عادى مقرات امن الدولة وعيشهم فى وهم الانتصار انهم قدروا يقتحموها بعد ما كل حاجة ولعت؟؟؟ مع ان لما كنا بالملايين فى بداية الثورة مفيش حد عرف يدخل ولاا مقر من مقرات امن الدولة؟؟...مسالتش نفسك لية لما بقى اللى قاعد فى التحرير شوية صغيرين الجيش اتشطر عليهم وضربهم وولع فى خياهم .... وللاسف ناس مننا قالتلك دول بلطجية او اصحاب مطالب فئوية .... مع ان دة مش مبرر للبطش بيهم ( مع انى متاكد انهم مش كدة)... خليك فاكر انك زعلت لما الامن كان بيضربك ويموتك ايام المظاهرات .. لانك بالنسبة ليهم برضو كنت غلط .....تقدر تقولى اية اللى اتغير فى الاعلام غير انة استضافلك ابراهيم عيسى مثلاا .... تقدر تقولى لية المحاكمات المشبوهة اللى بتتعمل دلوقتى مش بتتذاع مثلا .... تقدر تقولى لية مش بيطلع متحدث من المجلس العسكرى على التليفزيون يقولك مثار التحقيقات وسايبك للاشاعات على مبارك وغيرة وغيرة ..... تقدر تقولى اية اللى يدخلك فى مغامرة غير محسوبة العواقب زى حدوتة تعديل الدستور ؟؟ مع ان الدستور سقط اصلا وانت المفروض اللى تملى شروطك على المجلس العسكرى مش العكس ... مفكرتش لية المجلس العسكرى عمال يدخلك فى حدوتة ويطلعك من حدوتة على مزاجة؟؟؟ مقولتش لنفسك ولو للحطة ان الناس دى بتحاول تلهينا بكل الطرق عن مبارك واللى زية ..... ما اخدتش بالك من نشوة النصر الكاذبة اللى الاعلام معيشك فيها وكان الثورة انتهت .... مع ان ابسط حاجة اللى هية دم الشهداء فيها تباطؤ رهيب ويتم فيها تقديم اشخاص ككبش فداء مع ان العقل المدبر اى طفل هيشاورلك علية ؟؟؟ .... برضو فهموك ان المشاركة فى الاستفتاء دى قمة الديمواقرطية وانت بطيبتك صدقت .... مع ان موضوع الاستفتاء دة استخفاف بعقلك اساسا .... ما اخدتش بالك برضو لية محدش قالك بجملة مفيدة لو انت قلت لاء على التعديلات اية اللى هيحصل .... ملحظتش ان المقصود من الحورات الكتير دى تفتيت الشعب علشان يوقعونا فى بعض؟؟؟ انا شايف انك سواء قولت نعم او لا انت فى الحالتين خسران ...هتقول نعم يبقى انت كدة لبست السلطانية لان هيجيلك رئيس عندة صلاحيات متنتهيش ودة اللى همة عاوزينة .... وساعتها يا حلو مش هتقدر تفتح بؤئك وتقول لاء انا عاوز دستور جديد ... هيرد طبعا يقولك دى الديمواقراطية اللى انت عاوزها يا حبيبى ... لف و ارجع تانى.... طيب يا سيدى لو نزلت و قولت لاء اية اللى هيحصل ؟؟ طبعا محدش قالك ؟؟؟ كل اللى انت عمال تسمعة لازم تقول نعم علشان مصلحة البلد والدستور بياخد سنين علشان يتعمل والكلام الفارغ دة ( طبعا سوء النية واضح) اقولك انا بقى اية اللى ممكن يحصل .... هيقولك بكل سذاجة امشى بقى بالدستور القديم على ما تفرج يا حلو ... ما انت اللى رفضت التعديلات... اعملك اية يعنى .... يا اما هيقولك طيب يا حبيبى اصبر بقى لما رئيس يجى وانا هلزمة يغير الدستور .... طبعا هيجى الرئيس بتاعهم ( غالبا مش هيخرج عن شفيق او عمر سليمان او عمرو موسى) ويظبط الدستور على مزاج مزاجة... وكلة بالقانون و بالديموقراطية يا حلو .....وساعتها برضو مش هتقدر تتكلم لان كل شيئ هيمشى قانونى .... وانت عارف ان فى نسبة كبيرة من شعبك بتاخد بالشكل .... ناس هتقولك شفيق دة راجل نزية و بيلبس بلوفرات حلوة ... وشوية هيقولك عمر سليمان دة راجل المرحلة ورجل الامن و الأمان ...و هيحمينا ويظبطنا ... و شوية هيقولك عمرو موسى دة فاهم سياسة بجد و بيكرة اسرائيل ....او ممكن المجلس العسكرى يقولك طيب يا حبيبى انا اللى هغيرلك الدستور بس اصبر عليا بقى براحتى دة موضوع بياخد وقت وانت طالب حاجة نضيفة .... وبرضو هيعملك سبعين حوار فى الفترة دى ويقولك كلنا لازم نبقى ايد واحدة ... وتبقى برضو ما اخدتش حقك من العصابة بعد ما ذلتك 30 سنة ولاا جيبت حق شهدائك اللى راحوا علشانك .... خليك فاكر انهم بيلعبوا معاك على عامل الوقت لان مفيش قدامهم غير كدة ..... بيديك كل يوم حقنة بنج ينيم مننا شوية ... و للاسف نام مننا كتير ...... هتقولى اية الحل ... هقولك لازم تنزل يوم الجمعة 1-4-2011 علشان توقف المهزلة دى وتطالب ان الجيش يرفع ايدة عننا نطالب بمجلس رئاسى ( انا شخصيا افضل زويل والبرادعى ) يكونوا مسئولين عننا فترة سنة ويغيروا الدستور ويشرفوا على انتقال مصر لمرحلة ديمواقراطية بجد مش التمثيلية الهابطة اللى احنا عايشنها( خلى بالك انهم لو فضلوا مسيطرين على الوضع لحد الانتخابات الرئاسية الجاية مش هيسمحوا برئيس وطنى ينجح لان دة معناة نهايتهم كلهم على الاقل فى الـ8 سنين الجايين على ما يكون ربنا خدهم كلهم وساعتها يا حلو لو فكرت تاخد بحقك بعد الـــ 8 سنين مش هتلاقى حد منهم اساسا غالبا على قيد الحياة ... و تبقى خدت اكبر قلم وساعتها الندم مش هينفع ) ... بلاش نغلط غلطة الثورة فى الاول لما نزلنا نقول مبارك يمشى ومفكرناش مين هيجى بعدة ... و فرحنا مهللنا بالمجلس العسكرى ... وقولنا الشعب و الجيش ايد واحدة ... مع انة مصطلح هش .... الشعب و العساكر و الظباط ايد واحدة .... دول فعلاا اللى مننا ودل اللى عمرهم ما هيمدوا ايدهم علينا لانهم زيى و زيك مطحونين ... وحاسين باللى احنا حاسينة....لية مصمم برضو تبقى سلبى و تفرط فى حقك ... و خليك فاكر طول ما نيتة المجلس العسكرى مش سليمة تجاهك يبقى عمرة ما هيعمل حاجة فى صالحك... مش شايف انك بعد 25 يناير تستاهل اكتر من كدة ... بجد انا زهقت من سلبيتك
